Եւրոպայի ֆութպոլի ակումբներու առաջնակարգ մրցաշարքի` Չեմփիընզ Լիկի զտումի 2-րդ հանգրուանի դարձի մրցումներուն արձանագրուած են հետեւեալ արդիւնքները.
– ԱԷՔ Լառնաքա (Կիպ.) – Միտթյիլանտ (Դան.) 1-1 տուգ.3-4, երթ. 1-1
– Շերիֆ Թիրասփոլ (Մլտ.) – Մարիպոր (Սլվն.) 1-0, երթ. 0-0
– Վիքթորիա Փլզըն (Չեխ.) – ՀՃՔ Հելսինքի (Ֆին.) 5-0, երթ. 2-1
– Ֆ91 Տիւտըլանժ (Լիւքս.) – Փիւնիկ (Հայ.) 1-4, երթ. 1-0
– Շեմրոք Ռովըրզ (Իրլ.) – Լուտոկորէց (Պլկ.) 2-1, երթ. 0-3
– Շքուփի (Հիւս.Մակ.) – Տինամօ Զակրէպ (Խր.) 0-1, երթ. 2-2
Հայաստանի ախոյեան ՙՓիւնիկ՚ը, որ երթի մրցումին ի դաշտին վրայ միակ կոլով զիջած էր Լիւքսեմպուրկի ախոյեան ՙՖ91 Տիւտըլանժ՚ին, շրջեց այս արդիւնքը, երբ իր դաշտէն դուրս յաղթեց երեք կոլի տարբերութեամբ: Թէեւ փորթուկալցի յարձակող Մուհսին Հասան 21-րդ վայրկեանին նշանակեց ՙՏիւտըլանժ՚ի կոլը, Հաճիի փոխանցումով, սակայն պրազիլցի պաշտպան Ժունինիօ` 24-րդ, փոխարինող պոսնիացի յարձակող Եուրիշիչ` 53-րդ, 85-րդ եւ նիկերիացի յարձակող Օթուպանճօ` 75-րդ վայրկեաններուն հաշիւը դարձուցին 1-4, Նենատովիչի մէկ փոխանցումով: ՙՓիւնիկ՚ յաղթանակ տարաւ եւ երկու մրցումներու հաշիւով անցաւ զումի երրորդ հանգրուան: Յաջորդ փուլին ՙՓիւնիկ՚ի մրցակիցն է Սերպիոյ ախոյեան Պելկրատի ՙԿարմիր Աստղ՚ը:
