Եւրոպայի կիներու ֆութպոլի ախոյեանութեան կիսաւարտական հանգրուանի առաջին մրցումին, կազմակերպիչ երկիր Անգլիոյ հաւաքականը մրցեցաւ աշխարհի երկրորդ դասուած Շուէտի հաւաքականին դէմ, Անգլիոյ Շեֆիլտ քաղաքի ՙՊրամոլ Լէյն՚ մարզադաշտին վրայ: Մրցումի ընթացքին, Անգլիա ունէր որոշ տարածքային առաւելութիւն, որ հասաւ 58 առ հարիւրի: Խումբը կրցաւ աւելի յաճախ մօտենալ Շուէտի բերդին եւ կատարել 8 դիպուկ եւ 4 անկիւնային հարուած, որոնցմէ կիսապաշտպան Պէթ Միտ` 34-րդ, պաշտպան Լիւսի Պրոնզ` 48-րդ, փոխարինող կիսապաշտպան Ալեսիա Ռուսսօ` 68-րդ եւ յարձակող Ֆրէն Քիրպի` 76-րդ վայրկեաններուն նշանակեցին կոլերը, Պրոնզի մէկ եւ Միտի երկու փոխանցումներով: Շուէտի հաւաքականը երկրորդ կիսախաղին աշխուժացաւ եւ կրցաւ կատարել 3 դիպուկ ու 6 անկիւնային հարուած, սակայն ապարդիւն: Անգլիա յաղթանակ տարաւ ու հասաւ աւարտական մրցումին: Ստորեւ տեսնել արձանագրուած արդիւնքը.
– Անգլիա – Շուէտ 4-0
