Շուտով Փուշքին 3/1 հասցէին մէջ իր դռները պիտի բանայ ՙՀարտ Ռոք Քաֆէ՚ Երեւանը, որ, կարելի է ըսել, միայն ճաշարան կամ սրճարան չէ, այն ամբողջ փորձառութիւն մըն է, միջավայր, որ պիտի ապահովէ բարձրակարգ սպասարկում` համապատասխանելով նորարարութեան բոլոր չափանիշերը: Նախաձեռնողներուն խօսքով` այն պիտի ներմուծէ նոր որակ, պիտի ձեւաւորէ սպասարկման նոր, աւելի կատարելագործուած մշակոյթ:
ԱՆԻՖ-ի ՙՁեռնարկատէր պետութիւն՚ ներդրումային ֆոնտի տնօրէն Պելլա Մանուկեանը նշեց, որ այս ծրագրի ներդրման հետեւանքով պիտի ստեղծեն մօտաւորապէս 100 մշտական աշխատատեղի եւ նոր որակ ու մշակոյթ պիտի բերեն Հայաստանի մէջ հիւրընկալութեան ոլորտին:
ԱՆԻՖ-ի ներքոյ գործող ՙՁեռնարկատէր պետութիւն՚ ֆոնտը մասնակցութիւն ունեցած է ՙՀարտ Ռոք Քաֆէ՚ Երեւանի բացման` ներդնելով շուրջ 500 հազար տոլար: Ներդրումը իրականացուած է ԱՆԻՖ-ի դուստր ընկերութեան կողմէ` ֆոնտի շրջանակներուն մէջ՚, նշեց Մանուկեան:
Ֆոնտի տնօրէնին խօսքով` շուրջ երկու տարի է ՙՏոմ Արենա՚ ընկերութեան հետ կ՛աշխատին ներդրումային ծրագրի մեկնարկին ուղղութեամբ: Կը կարեւորեն, որ իրենց ներդրման շնորհիւ իրականացուին այնպիսի ծրագրեր, որոնց շնորհիւ պիտի ստեղծուի յաւելեալ տնտեսական ազդեցութիւն:
ՙՏոմ Արենա՚ ընկերութեան տնօրէն Արսէն Յովհաննիսեանն ընդգծեց, որ ընդհանուր առմամբ 2 միլիոնէ աւելի ներդրում իրականցուած է: Կը վստահեցնէ, որ ՙՀարտ Ռոք Քաֆէ՚- Երեւանը այցելուներուն համար տպաւորութիւններ պիտի յառաջացնէ:
ՙԱյստեղ հնարաւորպիտի ըլլայ լսել որակեալ երաժշտութիւն: Սրճարանը յագեցած է ժամանակակից տեխնիկայով: Այն կ՛առանձնանայ նաեւ իր խոհանոցով, առանձնապէս կ՛ընդգծուին ամերիկեան եւ մեքսիքական ուտեստները: Սրճարանին մէջ հնարաւոր է գտնել այնպիսի յայտնի արուեստագէտներու պատկանող իրեր, ինչպիսիք են Մայքըլ Ճեքսընը, Շերը եւ այլք՚, առանձնացուց ան:
ՙՀարդ Ռոք Քաֆէ՚ տարածաշրջանային ցանցի տնօրէն Ալպերթ Ռոտրիկեզ ընդգծեց, որ ուրախ է, որ Երեւանի մէջ նման սրճարան պիտի բացուի: Հաւատացած է, որ իւրայատուկ ճարտարապետութիւն եւ իւրայատուկ տեղ ընտրուած է ՙՀարտ Ռոք Քաֆէ՚ Երեւանի համար:
Սրճարանի բացման յստակ ամսաթիւ տակաւին չի նշուիր:
Առաջին ՙՀարտ Ռոք Քաֆէ՚ն բացուած է Լոնտոնի մէջ, 1971 թուականին: Ներկայիս ցանցը կը գործէ աւելի քան 70 երկիրներու մէջ: Ծրագիրը կը համաֆինանսաւորուի ԱՆԻՖ-ի կողմէ` 48% մասնակցութեան չափով: ԱՆԻՖ-ը ծրագրին կը մասնակցի Քովիտի տնտեսական հետեւանքներու մեղմման նպատակով ստեղծուած դուստր ընկերութեան հակաճգնաժամային ֆոնտի ծրագրերու շրջանակներուն մէջ:
