Մեկնարկած է Մարի Քիւրիի անուան կրթաթոշակային ծրագրի շրջանակին մէջ տրամադրուող կրթաթոշակներու այս տարուան մրցոյթը:
Ծրագրին նպատակն է խրախուսել երիտասարդ կիներ` մասնագիտանալու միջուկային գիտութեան եւ արհեստագիտութեան ոլորտին մէջ:
Ծրագրի շրջանակին մէջ տարեկան ընտրուած 150 կին դիմորդի պիտի տրամադրուի մինչեւ 20.000 եւրոյի կրթաթոշակ` աշխարհի տարբեր բարձրագոյն ուսումնական հաստատութիւններու մէջ միջուկային ոլորտի մագիստրոսական ծրագրերով ուսանելու համար, ինչպէս նաեւ տարեկան մինչեւ 20.000 եւրօ` կեցութեան ծախսերու համար:
Յայտերու ընդունման վերջնաժամկէտը 2022 թուականի 30 Սեպտեմբերն է:
Ուսանողները կրնան դիմել 2022/23 եւ 2023/24 ուսումնական տարիներուն համար:
Կը նշուի, որ MSCFP-ն իր գործարկումէն ի վեր` երկու տարուան ընթացքին, արդէն աջակցած է 210 կին ուսանողներու` 93 անդամ պետութիւններէ, որոնք կ՛ուսանին աշխարհի 53 երկիրներու բարձրագոյն ուսումնական հաստատութիւններուն մէջ:
