ՀՀ ելեւմուտքի նախարար Տիգրան Խաչատրեան ընդունած է Հայաստանի մէջ Ամերիկայի Միացեալ Նահանգներու արտակարգ եւ լիազօր դեսպան Լին Թրէյսիի գլխաւորած պատուիրակութիւնը:
Ողջունելով հիւրերը` նախարար Խաչատրեանը շնորհակալութիւն յայտնած է ԱՄՆ կառավարութեան Հայաստանի մէջ նախաձեռնուած բարեփոխումներու իրականացման գործին մէջ ցուցաբերած աջակցութեան համար: Այնուհետեւ նախարարը հիւրերուն ներկայացուցած է կառավարութեան 5-ամեայ ծրագրի առաջնահերթութիւնները եւ Ելեւմուտքի նախարարութեան վարած ֆիսքալ քաղաքականութեան օրակարգը:
ԱՄՆ դեսպան Լինն Թրէյսին նախարարին յայտնած է ամերիկեան կողմին պատրաստակամութիւնըª շարունակելու ցուցաբերել աջակցութիւն ինչպէս կարճաժամկէտ ծրագրերու, այնպէս ալ երկարաժամկէտ ռազմավարական բարեփոխումներու իրականացման ուղղութեամբ:
Հանդիպման ընթացքին զրուցակիցները միտքեր փոխանակած են Հայաստանի մէջ բարենպաստ ներդրումային միջավայր ստեղծելու հնարաւորութիւններուն եւ հայ-ամերիկեան համագործակցութեան զարգացման հեռանկարին շուրջ:
