Կիւմրիի քաղաքապետարանի նախաձեռնութեամբ, 24 Յուլիսին, Կիւմրիի մէջ նշուեցաւ Վարդավառը: Համաքաղաքային տօնակատարութեան մեկնարկը տրուեցաւ Թատերական հրապարակին վրայ` արձաններու լուացմամբ:
Թատերական հրապարակէն յետոյ միջոցառումները շարունակուեցան Կիւմրիի Վարդանանց հրապարակին վրայ: Ջուր կը մատակարարուէր քաղաքապետարանի ջրցան ինքնաշարժներով: Մինչեւ 7 տարեկան երեխաներու համար առանձնացուած հատուածներ կային:
ՙՍա Պայծառակերպութեան տօնն է` Հայ Եկեղեցւոյ հինգ տաղաւար տօներէն երրորդն է, ու թող Աստուծոյ օրհնութիւնը իջնէ հայ ազգին ու մեր Կիւմրիին վրայ ու բարին բերէ բոլորին՚, նշեց քաղաքապետ Վարդգէս Սամսոնեանը` խոստանալով, որ իւրաքանչիւր տարի նախկինէն աւելի լաւ պիտի կազմակերպուի տօնը:
Խաղէն անմասն չէին նաեւ քաղաքին հիւրերը, յատկապէս անոնք, որոնք առաջին անգամ կը գտնուէին Կիւմրիի ականատես կ՛ըլլային նման ժողովրդական միջոցառման, խոստացան` յաջորդ տարի աւելի մեծ խումբով ու այդ օրը գալ Կիւմրի:
