Հայաստանի կը գտնուի Փարիզի Եւրոպական Ժորժ Փոմփիտու հիւանդանոցի սիրտ-անօթային վիրաբոյժ, ֆրանսական ՙԼոյս՚ միութեան նախագահ Լեւոն Խաչատրեանը:
Ֆրանսական ՙԼոյս՚ միութիւնը ձեւաւորուած է 2020 թուականի 44-օրեայ պատերազմի օրերուն, պաշտօնապէս սկսած է գործել 2021 թուականէն: Պատերազմի օրերուն եւ անկէ յետոյ Լեւոն Խաչատրեանը ֆրանսացի բժիշկներու ուղեկցութեամբ պարբերաբար կ՛այցելէ Հայաստան ու Արցախ` կատարելով փորձի փոխանակում ու բարդ վիրահատութիւններ:
Օրերս դարձեալ բժիշկներու խումբով այցելած են Արցախ, ուր բնակչութեան անվճար խորհրդատուութիւն տրամադրած են: Լեւոն Խաչատրեան կ՛ըսէ, որ տեղի կ՛ունենայ ֆրանսական ձեւաչափի ներկրում դէպի հայկական առողջապահական հիմնարկներ:
Հերթական նախաձեռնութիւնը ՙԼոյս՚ միութեան աջակցութեամբ կ՛իրականացուի Կիւմրիի մէջ, այստեղ կը բացուի ակնաբուժական վիրաբուժութեան զարգացման դպրոց, որ հմտութիւններ պիտի տայ հայ մասնագէտներուն: Կիւմրիի մէջ նաեւ սրտաբանական խմբակ պիտի ձեւաւորուի` իրականացնելու սրտաբանական միջոցառումներ, որոնք տակաւին լայնօրէն տարածուած չեն Հայաստանի ու յարակից որոշ երկիրներու մէջ: Հայաստանի մարզերուն մէջ առողջապահական ծառայութիւններու հասանելիութեան խնդիր կայ:
ՙՊէտք է ապակեդրոնացում իրականացնել, ինչ որ պիտի նպաստէ, որ բժշկութեան հաւասարաչափ զարգացում տեղի ունենայ: Այդ պատճառով ալ մենք մեր այցերով կը փորձենք մարզերուն մէջ աշխուժութիւն մտցնել ու տարբեր նախաձեռնութիւններ իրականացնել՚, յաւելեց ան:
Անդրադառնալով Հայաստանի մէջ սրտի վիրաբուժութեան հասանելիութեան` մասնագէտը կ՛ըսէ, որ Հայաստանի մէջ սրտի վիրահատութեան գիները աւելի աժան են քան Եւրոպայի մէջ: Ըստ անոր` ժամանակի ընթացքին որքան պետութիւնը հարստանայ, այնքան սրտային վիրաբուժութիւնը կը մօտենայ հարուստ երկիրներու մակարդակին:
