Այսուհետեւ առաւօտեան 07:00-էն իւրաքանչիւր ժամը մէկ Երեւանի քաղաքապետարանի աշտարակի ժամացոյցէն լսուող երաժշտութիւնը միաժամանակ պիտի հնչէ նաեւ մայրաքաղաքի 12 վարչական շրջաններուն մէջ:
Այս մասին տեղեկացուցած է Երեւանի քաղաքապետ Հրաչեայ Սարգսեանը:
ՙԵս վստահ եմ` քաղաքը պիտի շուտ արթննայ, աշխատանքային օրը պիտի վաղ սկսի:
Այսուհետեւ, առաւօտեան 07:00-էն իւրաքանչիւր ժամը մէկ Երեւանի քաղաքապետարանի աշտարակային ժամացոյցէն լսուող երաժշտութիւնը պիտի հնչէ նաեւ միաժամանակ 12 վարչական շրջաններու մէջ՚, նշած է քաղաքապետը:
Սարգսեան նաեւ ընդգծած է, որ բացի այդ, համաքաղաքացիները օրուան ժամին ու օդի ջերմաստիճանին կրնան ծանօթանալ նաեւ Ա. Սպենդիարեանի անուան օփերայի եւ պալետի ազգային ակադեմական թատրոնի շէնքի տանիքին տեղադրուած նոր LED պաստառէն:
