Ընդհանուր անվտանգութեան ծառայութեան ընդհանուր տնօրէն Ապպաս Իպրահիմ Եամմունէ գիւղէն յայտնեց, որ Իրաքի իշխանութիւնները համաձայնած են երկարաձգել Լիբանանի հետ անցեալ տարի կնքուած պայմանագիրը` առողջապահական ծառայութիւններու դիմաց քարիւղ տրամադրելու Լիբանանի ելեկտրականութեան հաստատութեան: Ըստ Իպրահիմի, Պաղտատ նոյնիսկ համաձայնած է մէկ միլիոնի փոխարէն երկու միլիոն թոն վառելանիւթ տրամադրել ամէն ամիս: Խօսելով երկրի ապահովական վիճակին մասին, Իպրահիմ կայուն որակեց Լիբանանի անվտանգութիւնը, հակառակ որոշ խախտումներուն:
(1-Ռահի, 2-Աուտէ, 3-Իպրահիմ)
