Ֆրանսայի նախագահ Էմանուէլ Մաքրոն հեռաձայնային հաղորդակցութիւն մը ունեցաւ իր իրանցի պաշտօնակից Իպրահիմ Ռայիսիի հետ եւ տեղեկացուց, որ Իրանի հիւլէական հարցով համաձայնութեան գոյացումի տակաւին հնարաւոր է: Էլիզէի պալատէն հրապարակուած յայտարարութեան մէջ նշուեցաւ, որ Մաքրոն հիասթափութիւն յայտնած է հիւլէական բանակցութիւններուն ընթացքին յառաջընթացի բացակայութենէն, իսկ Իրանի նախագահը իր կարգին քննադատեց Թեհրանի նկատմամբ Հիւլէական ուժանիւթի միջազգային գործակալութեան հրապարակած վերջին որոշումները, շեշտելով, որ 2015-ի հիւլէական համաձայնութիւնը կարելի է վերականգնել, եթէ տրուին ամերիկեան երաշխիքներ, միջազգային ընտանիքը յանձնառու մնայ իր խոստումներուն եւ երաշխաւորուին Իրանի տնտեսական շահերը:
Այլ գիծի վրայ, Իրանի հետախուզական ծառայութիւնները յայտարարեցին, որ իսրայէլեան Մոսատին ի նպաստ լրտեսող բջիջը Իրան մուտք գործած էր Իրաքի Քիւրտիստանի հողերէն:
