Ռուսիոյ Դաշնութեան նախագահ Վլատիմիր Փութին, Թուրքիոյ նախագահ Ռեճեպ Թայիպ Էրտողան եւ Իրանի նախագահ Իպրահիմ Ռայիսի գումարեցին գագաթաժողով Թեհրանի մէջ: Այս քայլը կը համարուի ռազմաքաղաքական մեծ քայլª Միջին Արեւելքի քաղաքականութիւնը ձեւաւորելու առումով: Այս ժողովի ընթացքին, Իրանի հոգեւոր առաջնորդ Խամինէի կատարած է կարեւոր յայտարարութիւն: Ան հաստատած է, որ Իրան-Հայաստան սահմանը անփոփոխելի է: Ոչ մէկը յոյս թող ունենայ Հայաստանը կտրել Իրանէն: Այս յայտարարութիւնը լսեցին Փութին եւ Էրտողան: Այս յայտարարութիւնը կը համարուի աւելի կարեւոր քան Եւրոպայի կողմէ Հայաստանի տրուած բոլոր խոստումները: Դրացին է կարեւոր եւ ոչ թէ հազարաւոր քիլոմեթր հեռաւորութեան վրայ ապրող օտարը: Խամինէիի յայտարարութիւնը Հայաստանը ապաշրջափակելու ամենակարեւոր քայլն է: Բանակցութիւնները տեղ չհասցուցին ցարդ: Այս յայտարարութիւնը ունի ռազմավարական կշիռ: Ժամանակը կը մօտենայ, երբ Հայաստան պէտք է սկսի մտածել այս իրականութեան մասին քանի դեռ ուշ չէ:
