Սփիւռքի գլխաւոր յանձնակատար Զարեհ Սինանեան անդրադարձածէ ՀՀ ԱԱԾ-ի նոր առաջարկին, ըստ որուն, պիտի փոխուի սփիւռքահայերուն համար ՀՀ քաղաքացիութիւն ստանալու կարգը: Զարեհ Սինանեան նշեց, որ իրենց գերատեսչութիւնը կողմ չէ առաջարկուող փոփոխութեան:
ՙԱյդ հայրենադարձութեան վրայ չ՛ազդեր: Մարդիկ, որոնք նպատակ ունին տեղափոխուելու Հայաստան եւ վերջին երկու տարիներու ընթացքին 60 օր չեն անցուցած Հայաստանի մէջ, ապա երկրին մէջ 60 օր անցընելէ յետոյ միայն կրնան դիմել քաղաքացիութիւն ստանալու համար: Այլ հարց է, որ, ընդհանուր առմամբ, Հայաստան-Սփիւռք յարաբերութիւններու իմաստով սա դրական փոփոխութիւն չէ: Մեր գերատեսչութիւնը այս փոփոխութեան կողմ չէ: Մենք մեր դիրքորոշումը յայտնած ենք՚, ըսաւ Զարեհ Սինանեան:
Ազգային անվտանգութեան ծառայութիւնը ներկայացուցած է ՙՔաղաքացիութեան մասին՚ օրէնքին մէջ լրացում կատարելու մասին օրինագիծը, որով կ՛առաջարկուի ազգութեամբ հայ ՀՀ քաղաքացիութիւն չունեցող անձի կողմէ ՀՀ քաղաքացիութիւն ձեռք բերելու համար որպէս պարտադիր պահանջ սահմանել Հայաստանի մէջ վերջին երկու տարուայ ընթացքին առնուազն 60 օր օրինական հիմքով բնակելու կամ գտնուելու հանգամանքը:
