Եւրոպայի կիներու ֆութպոլի ախոյեանութեան քառորդ աւարտական հանգրուանի առաջին մրցումին« կազմակերպիչ երկիր Անգլիոյ հաւաքականը մրցեցաւ Սպանիոյ դէմ« Իսթ Սասէքս նահանգի Ֆալմըր քաղաքի մարզադաշտին վրայ: Հաւասարակշռուած մրցումին« Սպանիա ունէր որոշ առաւելութիւն« որ հասաւ 58 առ հարիւր համեմատութեան: Խումբը կատարեց 4 դիպուկ ու 8 անկիւնային հարուած« որոնցմէ մէկը կոլի վերածեց ՙՌէալ Մատրիտ՚ի յարձակող Էսթէր Կոնզալէս« 54-րդ վայրկեանին« Աթենէա Տէլ Քասթիյոյի փոխանցումով: Անգլիա աւելցուց իր ճնշումը եւ իր կատարած 3 դիպուկ ու 5 անկիւնային հարուածներէն մէկը կոլի վերածեց 84-րդ վայրկեանին« փոխարինող ՙՄանչեսթըր Եունայթըտ՚ի կիսապաշտպան Էլլա Թունի միջոցով« Ռուսսոյի փոխանցումով: Մրցումին հիմնական ժամանակը աւարտեցաւ 1-1 հաւասարութեամբ: Երկարաձգումի 96-րդ վայրկեանին ՙՄանչեսթըր Սիթի՚ի յարձակող Ճորճիա Սթանուէյ նշանակեց Անգլիոյ երկրորդ կոլը« Ուալշի փոխանցումով: Անգլիա տարաւ յաղթանակ դժուար եւ կազմակերպուած մրցակիցի մը դէմ ու անցաւ կիսաւարտական հանգրուան: Ստորեւ տեսնել արձանագրուած արդիւնքը.
– Անգլիա – Սպանիա 2-1 յետ երկարաձգումի
