Գոլոմպիոյ մարզադաշտերուն վրայ սկսան Հարաւային Ամերիկայի կիներու ֆութպոլի բաժակի զտումի 4-րդ եւ վերջին հանգրուանի մրցումները: Առաջատար Գոլոմպիան մրցեցաւ 3-րդ դիրքը գրաւող Չիլիի հաւաքականին դէմ եւ տարաւ իր 4-րդ անընդմէջ յաղթանակը« վերջ դնելով Չիլիի յոյսին՝ անցնելու յաջորդ փուլ: Կիսապաշտպան Ուսմէ՝ 4-րդ« պաշտպան Արիաս՝ 11-րդ« պաշտպան Վանեկաս՝ 37-րդ եւ կիսապաշտպան Սալազար՝ 41-րդ վայրկեաններուն նշանակեցին Գոլոմպիայի կոլերը« Քայսետոյի« Պետոյայի եւ Սանթոսի փոխանցումներով: 2-րդ դիրքը գրաւող Փարակուէյի հաւաքականը միացաւ Գոլոմպիային« յաղթելէ ետք 4-րդ դիրքը գրաւող Էքուատորի հաւաքականին: Յարձակող Մարթինէզ՝ 30-րդ եւ փոխարինող յարձակող Չամորրօ՝ 90+1-րդ վայրկեաններուն նշանակեցին Փարակուէյի կոլերը« Արիեթայի եւ Մարթինէզի փոխանցումներով: 45+1-րդ վայրկեանին պաշտպան Ռէալ հաւասարեցուցած էր հաշիւը Էքուատորի համար: Ստորեւ տեսնել արձանագրուած արդիւնքները.
Ա. խմբակ. – Էքուատոր – Փարակուէյ 1-2
– Գոլոմպիա – Չիլի 4-0
Դասաւորում. 1) Գոլոմպիա 12 կէտ 13-3« 2) Փարակուէյ 9 կէտ 9-7« 3) Չիլի 6 կէտ 9-8« 4) Էքուատոր 3 կէտ 9-7« 5) Պոլիվիա 0 կէտ 1-16
