ՀՀ բարձր արհեստագիտութեան արդիւնաբերութեան նախարար Ռոպերթ Խաչատրեան ընդունած է ՙԷմ Էյջ Այ Ռուս՚ (Mitsubishi Heavy Industries Russia) ընկերութեան պատուիրակութիւնը` գլխաւոր տնօրէն Եասուշի Քաքիթսուքայի գլխաւորութեամբ:
Ռոպերթ Խաչատրեանը հիւրերուն ներկայացուցած Հայաստանի բարձր արհեստագիտական արդիւնաբերութեան ոլորտի ներկայ վիճակը, զարգացումներն ու մարտահրաւէրները, մատնանշած է հնարաւոր համագործակցութեան ուղիները:
Եասուշի Քաքիթսուքան իր հերթին մանրամասնած է ընկերութեան գործունէութեան ուղղութիւններն ու ոլորտները, նախանշած է փոխգործակցութեան հնարաւոր սենարները:
Հանդիպման ընթացքին քննարկուած են երկկողմ հետաքրքրութիւն ներկայացնող շարք մը հարցեր: Կողմերը ընդգծած են, որ համագործակցութիւնը կրնայ լուրջ կամուրջ հանդիսանալ նոր առեւտրային կապերու ձեւաւորման եւ գործունէութեան ծաւալման համար: Կարծիքներ փոխանակուած են նաեւ արհեստագիտական ընկերութիւններու հետ հանդիպումներ կազմակերպելու, ծրագրերու շուրջ քննարկումներ կայացնելու հնարաւորութիւններուն վերաբերեալ:
ՙԷմ Էյջ Այ Ռուս՚ (Mitsubishi Heavy Industries Russia) ընկերութիւնը մտադիր է Հայաստանի կառավարութեան հետ գործակցութեան ուղիներ նախանշել, որոնց յստակացումէն յետոյ անմիջապէս գործունէութիւն ծաւալել Հայաստանի մէջ:
