Երեւանի քաղաքապետարանին նախաձեռնութեամբ 23 Յուլիսին պիտի մեկնարկէ ՙԵրեւան՚ փողային նուագախումբին բացօթեայ ելոյթներէն բաղկացած համերգաշարը: Երեւանի քաղաքապետարանը կը տեղեկացնէ, որ առաջին համերգը պիտի կայանայ 23 Յուլիսին` ժամը 19:00-ին, Տիանա Աբգարի անուան պուրակին մէջ: Մայրաքաղաքի բնակիչներուն եւ հիւրերուն համար պիտի կատարուին փողային նուագախմբային յայտնի եւ սիրուած ստեղծագործութիւնները` նուագախումբի գեղարուեստական ղեկավար եւ գլխաւոր խմբավար, ՀՀ վաստակաւոր արուեստագէտ Հայկ Յովակիմեանի ղեկավարութեամբ: Համերգաշարը պիտի ըլլայ շարունակական:
Երեւանի քաղաքապետարանի ՙԵրեւան՚ փողային նուագախումբի 2022 թուականի բացօթեայ համերգաշրջանի ժամանակացոյցը`
23.07, 19:00 – Տիանա Աբգարի պուրակ, Բազմաժանր երաժշտութիւն
30.07, 19:00 – Մանկական այգի, Երաժշտութիւն մուլտֆիլմերէ, քայլերգեր
03.09, 19:00 – Յաղթանակի զբօսայգի, Քայլերգեր
10.09, 19:00 – Օղակաձեւ զբօսայգի (Գր. Լուսաւորիչ եկեղեցու յարակից տարածք), Բազմաժանր երաժշտութիւն
17.09, 19:00 – Սիրահարներու այգի, Սիրուած երգերու գործիքային կատարում
24.9, 19:00 – Երեւանի 2800-ամեակի այգի, Բազմաժանր երաժշտութիւն
01.10, 19:00 – Մանկական երկաթուղի, Երաժշտութիւն մուլտֆիլմերէ
08.10, 19:00 – Օղակաձեւ զբօսայգի (Կոմիտասի անուան կամերային երաժշտութեան տան հատուած), Բազմաժանր երաժշտութիւն
15.10, 19:00 – Սիրահարներու այգի, Ճազային երաժշտութիւն
22.10, 19:00 – Երեւանի 2800-ամեակի այգի, Բազմաժանր երաժշտութիւն
Երեւանի քաղաքապետարանի ՙԵրեւան՚ փողային նուագախումբը հիմնադրոած է 1964 թուականին` ՀԽՍՀ վաստակաւոր արուեստագէտ, փրոֆեսոր Հայկազ Մեսիայեանի կողմէ: Գործունէութեան ընթացքին նուագախումբին հետ համագործակցած են բազմաթիւ անուանի երաժիշտներ` Արամ Խաչատրեանը, Առնօ Բաբաջանեանը, Գոհար Գասպարեանը, Ժան Տէր Մերքերեանը, Գոհար Գալաճեանը, Պորիս Աֆանասեւը, Վալերի Պաթաշովը, Կէորկի Օրվիտը եւ այլք:
Նուագախումբը բազմաթիւ միջազգային մրցոյթներու յաղթող եւ դափնեկիր է, զգալի ներդրում ունի Հայաստանի մէջ փողային երաժշտարուեստի աւանդոյթներու պահպանման եւ տարածման գործին մէջ:
Նուագախումբը հանդէս կու գայ բազմաժանր ծրագրերով` ազգային, հոգեւոր, դասական, ժամանակակից ժանրերով:
