Իսրայէլի վարչապետ Եաիր Լափիտ յայտնեց« որ իրենք չեն ուզեր մագլցում« սակայն ՙՀըզպալլայի թշնամական վերաբերմունքը տարածաշրջանը կրնայ մղել յաւելեալ լարուածութեան՚: Ըստ Լափիտի« Հըզպալլայի գործունէութիւնը նաեւ կը վտանգէ Լիբանանն ու լիբանանցիներուն հանգիստը: Լափիտ ուղղաթիռով սաւառնեցաւ ուժանիւթային Քարիշ տարածքին եւ իսրայէլեան քարիւղային հարթակին վրայ ու նշեց« որ ՙԼիբանան կարողութիւն ունի օգտուելու իր ծովային տարածքին մէջ գտնուող կազի պաշարներէնª բանակցութիւններու շնորհիւ« որոնք պէտք է անյապաղ ամբողջանան՚:
Իսրայէլի պաշտպանութեան նախարար Պենի Կանց սպառնաց վերստին հրկիզել Լիբանանը: Համացանցային գրառումներու մէջ ան դիտել տուաւ« որ ՙԼիբանանի պետութիւնն ու ղեկավարները լաւ կը գիտակցին« որ եթէ ընտրեն կրակի ուղին« ապա ուժգին պիտի հրկիզուին եւ վնասուին՚: Պնդելով« որ Իսրայէլ պատրաստ է իր քաղաքայիններու պաշտպանութեան« Կանց հաւաստիացուց« որ բանակը կը գտնուի ցամաքային« ծովային« օդային ու ելեկտրոնային առճակատումի պատրաստ վիճակի մէջ:
Հարաւային Լիբանանէն տեղեկութիւններ երէկ նշեցին« որ իսրայէլեան անօդաչու թռչող սարք մը ջախջախուած է լիբանանեան հողերուն վրայª Ուազզանի շրջանին մէջ:
Իսրայէլեան բանակի բանբեր Աւիխայ Ատրահի սակայն նշեց« որ անցնող շաբթուան ընթացքին իսրայէլեան որեւէ անօդաչու սարք չէ ջախջախուած Լիբանանի սահմանին մօտ:
