Լիբանանի Կեդրոնական դրամատան եւ կառավարիչ Ռիատ Սալամէի թղթածրարները երէկ Լիբանանի մէջ վերստին յառաջացուցին քաղաքական« ելեւմտական« տնտեսական եւ ապահովական լարուածութիւն:
Կեդրոնական դրամատան եւ կառավարիչին առնչութեամբ զարգացումները արագ ընթացան երէկ առաւօտեան ժամերէն սկսեալ« երբ պետական անվտանգութեան ծառայութեան աշխատակիցները խուզարկեցին Սալամէի Ռապիէ շրջանի բնակարանը« ապա հեռացան առանց գտնելու կառավարիչը: Իսկ Լեռնալիբանանի ընդհանուր դատախազ Ղատա Աուն պետական անվտանգութեան աշխատակիցներուն ընկերակցութեամբ մուտք գործեց Կեդրոնական դրամատուն եւ քանի մը ժամ խուզարկեց համալիրը« ապա յայտարարեց« թէ իրենք եկած են գործադրելու դատական յուշագիր մը« սակայն Ռիատ Սալամէ իր գրասենեակը չէր:
Ապահովական որոշ աղբիւրներ սակայն նշեցին« որ կառավարիչը իրապէս իր գրասենեակն էր« բայց Աուն չէ կրցած հասնիլ այնտեղ: Դատախազը աւելի ուշ բողոքեցª ըսելով© ՙԱյս իրավիճակին մէջ աւելի լաւ է« որ արդարադատութիւնը հրաժարի« որովհետեւ անկարելի է« որ դատաւորները կարենան իրենց խիղճով աշխատիլ՚:
Համրայի մէջ տեղի ունեցած իրադարձութիւններու լոյսին տակ« զուգահեռ շուկային մէջ ամերիկեան տոլարին փոխարժէքը իսկոյն բարձրացաւ գրեթէ 30 հազար լիրայի: Որպէս առաջին հակադարձութիւն« Կեդրոնական դրամատան պաշտօնեաներու սենտիքան յայտարարեց եռօրեայ գործադուլ եւ գրասենեակներու ամբողջական փակում: Պաշտօնեաներու սենտիքան հաղորդագրութեամբ մը նշեց« որ դատախազ Աուն եւ անոր ընկերակցող ապահովական ուժերը Կեդրոնական դրամատուն մուտք գործած են արտասովոր միջոցներով եւ արհամարհած են օրինական կարգերը« ոտնակոխելով հաստատութեան եւ պաշտօնեաներուն արժանապատուութիւնը: Հաղորդագրութիւնը արդարադատութեան նախարարին« Դատական գերագոյն խորհուրդին եւ առնչակից պաշտօնատարներուն կոչ ուղղեց վերջ տալու այս անտեղի ցուցադրութիւններուն եւ ապօրինի հետապնդումներուն« սպառնալով հակառակ պարագային դիմելու բաց գործադուլի:
Ընկերվար յառաջդիմական կուսակցութիւնը հարց տուաւ« թէ ինչպէս կը կանգնի նաւահանգիստի պայթումին կարեւոր հետաքննութիւնը« մինչ քաղաքական որոշումով յանկարծ կը սկսին շարժիլ այլ թղթածրարներ:
Նշանակեալ վարչապետ Նեժիպ Միքաթի ցաւ յայտնեց դատական կարեւոր թղթածրարները ցուցադրական ձեւերով արծարծելու երեւոյթին համար եւ յիշեցուց« որ դրամատան հարցը դատական զգայուն թղթածրար մըն է« որ կապ ունի երկրի ելեւմտական վիճակին հետ:
ՙԿեդրոնական դրամատան ցուցադրական խուզարկումը լաւագոյն միջոցը չէ լուծելու կառավարիչ Ռիատ Սալամէի թղթածրարը: Մենք կառչած չենք որեւէ անձի« սակայն կը պահանջենք դատական արդարութիւն« միաժամանակ պահպանելով Լիբանանի ելեւմտական միջազգային համբաւը: Անհրաժեշտ է այս խնդիրը լուծել նոր կառավարիչի մը անունին շուրջ քաղաքական համաձայնութեամբ եւ թող արդարադատութիւնը ապա շարունակէ իր յարմար ուղին՚« ըսաւ Միքաթի:
Նշանակեալ վարչապետը իր գրասենեակին մէջ ընդունեց ԵՈՒՆԻՖԻԼ-ի խաղաղապահ ուժերու պատուիրակութիւնը« որուն հետ քննարկեց հարաւի կացութիւնը եւ խաղաղապահ ուժերուն հետ արդիւնաւէտ համագործակցութիւնը: Միքաթի ուժանիւթային« մանաւանդ ելեկտրականութեան թղթածրարին անդրադարձաւ գերմանական ՙՍիմընզ՚ ընկերութեան պատուիրակութեան հետ
