Առողջապահութեան նախարարի պաշտօնակատար Ֆիրաս Ապիատ կոչ ուղղեց լուծում գտնելու հանրային ոլորտի պաշտօնեաներու բաց գործադուլին« որովհետեւ ուշացումը ժխտաբար կ’ազդէ քաղաքայիններու առողջութեան« նախարարութեան եւ իր պաշտօնեաներու աշխատանքին վրայ: Հեռուստային հարցազրոյցի մը մէջ Ապիատ ակնկալեց առաջարկներ ստանալ ելեւմուտքի նախարարի պաշտօնակատարէն՝ աշխատավարձերու յաւելումը ֆինանսաւորուելու համար: Անոր խօսքով« կարելի է Քովիտի համաճարակին յատկացուած հիմնադրամի գումարներէն օգտուիլ՝ աջակցելու համար պաշտօնեաներուն: Աւելի դրական առումով« Ապիատ աւետեց« թէ որոշ լուծումներ յայտնուած են քաղցկեղի դեղերուն կապակցութեամբ« որոնք շուտով պիտի հասնին Լիբանան:
Իսկ Ընկերային ապահովագրութեան հիմնադրամի (տաման) ընդհանուր տնօրէն Մոհամմատ Քարաքի հրապարակեց որոշում մը՝ հիւանդանոցներուն 74 միլիառ լիրայի գումար փոխանցելու կապակցութեամբ: Ըստ Քարաքիի« այս վճարումները ցոյց կու տան« թէ իր գլխաւորած հաստատութիւնը երկիրը կը փորձէ պաշտպանել առողջապահական ոլորտի փլուզումի վտանգէն: Ան նաեւ յայտնեց« որ իրենք սկսած են քննարկել հիւանդանոցային ծառայութիւններուն պաշտօնական սակագիները բարձրացնելու ծրագիրը« որպէսզի քաղաքայինները վերստին կարենան օգտուիլ ապահովագրութենէն:
