Հանրապետութեան նախագահ Միշէլ Աուն զգուշացուց դատական համակարգին աշխատանքը խափանելու վտանգներէն: Արդարադատութեան նախարարի պաշտօնակատարը« Դատական գերագոյն խորհուրդի նախագահն ու անդամները Պաապտայի պալատին մէջ ընդունած ատեն Աուն կոչ ուղղեց արագացնելու շարք մը ձգձգուած թղթածրարներու քննութիւնը« մասնաւորաբար թուելով Պէյրութի նաւահանգիստի պայթումին թղթածրարը: ՙԻսկական բարեփոխումներու եւ փտածութեան դէմ պայքարի գլխաւոր մուտքը դատական իշխանութեան աշխատանքն է« որ պէտք է պաշտպանուած ըլլայ ճնշումներէն եւ կաշառքէն՚« շեշտեց Աուն: Արդարադատութեան նախարարի պաշտօնակատար Հանրի Խուրի նաւահանգիստին հարցով անդրադարձաւ հացահատիկի վնասուած գուբերը փլուզելու հարցին« որ անցնող օրերուն դարձած է փոխադարձ ամբաստանութիւններու առարկայ: Ըստ Հըլուի« ինք չի յամառիր գուբերու փլուզումին վրայ« սակայն ջուրին տակ անոնց հիմքերուն ուժեղացումը պիտի ըլլայ ծախսալից:
Նախագահը երէկ նաեւ ընդունեց Լիբանանի մէջ սննդամթերքի եւ երկրագործութեան կազմակերպութեան նորանշանակ ներկայացուցիչ Նորա Հատտատի պատուիրակութիւնը եւ կազմակերպութեան կոչ ուղղեց օգնելու Լիբանանի երկրագործական արտադրանքի արտահանումին եւ վաճառքին:
