ՙԼիբանանի համար ամերիկեան աշխատանքային խումբ՚-ի պատուիրակութիւնը երէկ շարունակեց իր լիբանանեան շրջագայութիւնը եւ Հանրապետութեան նախագահ Միշէլ Աունի հետ քննարկեց Լիբանանի վիճակն ու օգնութեան հնարաւորութիւնները: Նախագահ Աուն պատուիրակութեան առջեւ կարեւորեց նոր կառավարութեան կազմութիւնը՝ որպէսզի շարունակուին Արժոյթի միջազգային հիմնադրամին հետ բանակցութիւնները« իրագործուի իսկական բարեկարգումներու ծրագիր: Նախագահը ամերիկեան պատուիրակութեան անդամներուն հետ զրոյցին մէջ դժգոհեցաւ« որ իր բարեկարգչական ծրագիրներն ու ջանքերը բախած են ներքին խոչընդոտներու:
Պատուիրակութեան ղեկավար Էտուարտ Կապրիէլ նշեց« որ լիբանանցի պաշտօնատարներուն ներկայացուցած է ամերիկացի օրէնսդիրներուն Լիբանանին վերաբերող քաղաքականութիւնները: Կապրիէլ զգուշացուց Լիբանանի մէջ հաւանական աղէտէ մը՝ ցորենի ճգնաժամին պատճառով: ՙԽորհրդարանն ու կառավարութիւնը պէտք է անյապաղ որոշումներ կայացնեն՝ Արժոյթի միջազգային հիմնադրամի ծրագրին միանալու համար՚, խորհուրդ տուաւ Կապրիէլ« որուն գլխաւորած պատուիրակութիւնը նաեւ այցելեց Այն Թինէ եւ վարչապետարան՝ տեսակցելու խորհրդրանի նախագահ Նեպիհ Պըրրիի եւ նշանակեալ վարչապետ Նեժիպ Միքաթիի հետ: Պըրրի ամերիկեան պատուիրակութեան յայտնեց« որ ծովային սահմանագծումին հարցով ձգձգումի ժամանակ չկայ« կոչ ուղղելով ընկերութիւններուն իսկոյն անցնելու աշխատանքի« առանց ուշացումի պատճառաբանութեան:
