Հանրային ոլորտի պաշտօնեաներուն լայնածաւալ ու բաց գործադուլը գուցէ յառաջիկայ օրերուն լուծուի« առնուազն ժամանակաւորապէս եւ մասնակի: Վարչապետարանին մէջ երէկ տեղի ունեցաւ ժողով մը« գլխաւորութեամբ նշանակեալ վարչապետ Նեժիպ Միքաթիի ու մասնակցութեամբ պաշտօնատար նախարարներու եւ հանրային ոլորտի պաշտօնեաներու պատուիրակութեան: Միքաթի շեշտեց« որ բաց գործադուլը« ունենալով հանդերձ արդար պահանջներ« սկսած է անդամալուծել պետութիւնը եւ ջնջել կարեւոր եկամուտները« որոնցմով պաշտօնեաներուն պէտք է տրուի յատկացում: Միքաթի անկարելի համարեց բոլոր պահանջներու միաժամանակ գործադրութիւնը« մինչ տեղեկութիւններ նշեցին« որ համաձայնութիւն գոյացած է երկու ամիս կրկնապատկել պաշտօնեաներուն աշխատավարձերը եւ բարձրացնել փոխադրութեան հատուցումի գինը:
Ժողովէն ետք« աշխատանքի նախարարի պաշտօնակատար Մուսթաֆա Պէյրամ յայտնեց« թէ որոշուած է առկախել դատաւորներու աշխատավարձերու յաւելումը եւ բաւարարուիլ հանրային պաշտօնեաներուն ընկերային աջակցութեան փաթեթով« որուն մասին համաձայնութիւն գոյացած էր նախապէս:
