Ընկերվար յառաջդիմական կուսակցութեան նախագահ Ուալիտ Ճոմպլաթ ահազանգեց, թէ Լիբանան կը դիմագրաւէ մտահոգիչ եւ վտանգաւոր օրեր: Մեկնաբանելով զբօսաշրջիկներու թիւի բազմացումը, Ճոմպլաթ ըսաւ. ՙՈմանք կը հպարտանան, որ զբօսաշրջիկներուն թիւը այս տարի ակնկալուածէն բարձր է ու զայն կը ներկայացնեն որպէս բարգաւաճում, սակայն կը մոռնան, որ Կեդրոնական դրամատան արտարժոյթի պահեստը օր ըստ օրէ կը կրճատուի` բարեկարգումներու բացակայութեան պատճառով եւ կացութիւնը կրնայ աղէտալի ըլլալ այն պահուն, երբ սպառի դրամատան պահեստը եւ մուտք գործենք անորոշութեան մէջ: Ուստի, փախուստ չկայ բարեկարգումներէն՚, շեշտեց Ճոմպլաթ:
