Անգլիոյ մարզադաշտերուն վրայ շարունակուեցան Եւրոպայի կիներու ֆութպոլի ախոյեանութեան մրցումները: Երրորդ խմբակին մէջ« իրարու հետ հաւասարելէ ետք« Հոլանտա եւ Շուէտ պէտք ունէին յաղթանակի: Հոլանտա մրցեցաւ Փորթուկալի զօրաւոր կազմին դէմ եւ տարաւ դժուար յաղթանակ մը: յարձակող Էկիւրոլլա՝ 7-րդ եւ պաշտպան Վան Տէր Կրախթ՝ 16-րդ վայրկեաններուն հաշիւը դարձուցին 2-0« Սփիթսէի մէկ փոխանցումով: Փորթուկալ հաւասարեցուց հաշիւը պաշտպան Քարոլ Քոսթայի տուգանայինով՝ 38-րդ եւ յարձակող Տիանա Սիլվայի՝ 48-րդ վայրկեաններուն նշանակած կոլերով« Քարոլ Քոսթայի փոխանցումով: Սակայն 62-րդ վայրկեանին Եւրոպայի ախոյեան ՙՕլիմփիք Լիոնէ՚ի կիսապաշտպան Վան Տէ Տոնք նշանակեց Հոլանտայի յաղթանակի կոլը« Մարթընսի փոխանցումով: Խմբակի երկրորդ մրցումին« Շուէտի հաւաքականը մրցեցաւ Զուիցերիոյ դէմ եւ յաղթանակ տարաւ: Մրցումի 53-րդ վայրկեանին« ՙՊարսելոնա՚ի յարձակող Ռոլֆէօ նշանակեց Շուէտի կոլը« Ասլանիի փոխանցումով: 55-րդ վայրկեանին« ՙՓարի Սէն Ժերմէն՚ի յարձակող Պաշման հաւասարեցուց հաշիւը: Իսկ 79-րդ վայրկեանին« ՙԷվըրթըն՚ի կիսապաշտպան Պենիսըն նշանակեց Շուէտի յաղթանակի կոլը« Ռոլֆէօյի փոխանցումով: Ստորեւ տեսնել արձանագրուած արդիւնքները.
Գ. խմբակ. – Շուէտ – Զուիցերիա 2-1
– Հոլանտա – Փորթուկալ 3-2
Դասաւորում. 1) Հոլանտա 4 կէտ 4-3« 2) Շուէտ 4 կէտ 3-2« 3) Փորթուկալ 1 կէտ 4-5« 4) Զուիցերիա 1 կէտ 3-4
