Արցախի պետական նախարար Արտակ Բեկլարեան հաւաստիացուց, որ Արցախիհայութիւնը պիտի շարունակէ իր պայքարը` յանուն Արցախի հայկական ապագային, անկախութեան միջազգային ճանաչումին եւ Հայաստանին անոր վերամիաւմին:
Համացանցային գրառումներու մէջ Բեկլարեան շեշտեց, որ իւրաքանչիւր հայու համար արցախահայութեան կամքն ու ձգտումները պէտք է ըլլան անձեռնմխելի եւ հիմք` Հայաստանին աջակցելու մղումներուն եւ ջանքերուն մէջ: Բեկլարեան կոչ ուղղեց Արցախին առնչուող գործողութիւններն ու քննարկումները հիմնելու յստակ եւ ազգային շահերու վրայ ձեւաւորուած նպատակներով, սկզբունքներով եւ կարմիր գիծերով, հեռու մնալով նեղ եւ կարաժամկէտ շահերէն` ներառեալ ներքաղաքական հաշիւները: «Այս կը վերաբերի թէ՛ արցախեան, թէ՛ հայաստանեան եւ թէ՛ սփիւռքեան քաղաքական ուժերուն եւ գործիչներուն, ինձմէ սկսեալ», շեշտեց Արցախի պետական նախարարը: Անոր խօսքով, Արցախի հայկականութեամբ շահագրգըռւած իւրաքանչիւր հայ ունի ընելիք` առաջին հերթին չվնասելով, ապա` աջակցելով:
