Հ.Մ.Մ. Ակադեմիայի 33 մարզիկներն ու պատասխանատուները երեք անմոռանալի օրեր (10–12 Յուլիս 2026) վայելեցին Քսըրուանի Աշքութ գիւղի Մայրապետ Քոյրերու վանքին մէջ կազմակերպուած ճամբարային-մարզական հաւաքի ընթացքին։
Վանքի ընդարձակ եւ գեղեցիկ շրջափակը՝ իր խաղավայրերով, մարզադաշտով եւ ճաշարանով, իտէալական միջավայր ստեղծեց, որպէսզի մարզիկները մասնակցին զանազան մարզական, ժամանցային եւ խմբային գործունէութիւններու։ Ապա անոնք իրենց ուժերը չափեցին ֆութպոլի մրցաշարքերուն մէջ՝ ցուցաբերելով գեղեցիկ խաղ, մարզական ոգի եւ խմբային համագործակցութիւն։
Արձանագրուեցան հետեւեալ արդիւնքները․
* 11–12 տարեկաններ. փայլուն յաղթանակ՝ 7-1 արդիւնքով։
* 14–15 տարեկաններ. մրցումը աւարտեցաւ 1-1 հաւասարութեամբ։
* 16–17 տարեկաններ. գեղեցիկ յաղթանակ՝ 1-0 արդիւնքով։
Այս երեք օրերը իսկապէս լեցուն էին ուրախութեամբ, ընկերասիրութեամբ, մարզական ոգիով եւ գեղեցիկ յիշատակներով։ Մաղթենք, որ նման նախաձեռնութիւնները շարունակական դառնան եւ մեր պատանիներուն ու երիտասարդներուն ընձեռեն նոր առիթներ՝ համախմբուելու, մարզուելու եւ անմոռանալի փորձառութիւններ կերտելու։
