ՄԱՐՏ 8-ը աշխարհի բոլոր կիներուն միասնութեան, արժանապատուութեան եւ խաղաղութեան ձգտումի խորհրդանշական օրն է։
Այսօր, աշխարհի բոլոր կողմերէն՝ իբրեւ մէկ սիրտ եւ մէկ կամք ունեցող մարդկութեան կէսը, անոնց բերնէն հնչող մէկ բառ կայ՝ ԽԱՂԱՂՈՒԹԻՒՆ։ Այս իմաստով Մարտ 8-ը նաեւ համերաշխութեան օր մըն է, կանանց միասնական պայքարի օր՝ յանուն խաղաղութեան, ժողովուրդներու անվտանգութեան եւ զաւակներու երջանկութեան։
Այս տօնը հարազատ է նաեւ լիբանանահայ կնոջ, որ իր նուիրումով եւ աշխատանքով արժէքաւոր դեր կը կատարէ մեր համայնքային կեանքին մէջ։
Այս առիթով, կը շնորհաւորենք Մայր Հայրենիքի եւ աշխարհի չորս ծագերուն ապրող բոլոր հայուհիները։
Մասնաւորապէս ջերմ շնորհաւորութիւններ կը յղենք մեր թերթի աշխատակից կանանց եւ սիրելի ընթերցողուհիներուն։
