Հըզպալլայի նախկին ընդհանուր քարտուղարներ սեյիտ Հասան Նասրալլայի եւ սեյիտ Հաշէմ Սաֆիտտինի սպանութեան առաջին տարելիցին առիթով, Հըզպալլա նախանցեալ օր գործադրեց իր յայտարարած ծրագիրը եւ, հակառակ վարչապետութենէն յայտարարուած արգելքին, Ռաուշէի ժայռին վրայ ցուցադրեց ահաբեկուած ղեկավարներուն նկարները, մինչ անոր կից՝ ծովափնեայ մայթին վրայ հաւաքուեցան կուսակցութեան մեծաթիւ հետեւորդներ, ապահովական խիստ քայլերու ընկերակցութեամբ: Ժայռին վրայ ցուցադրուեցան նաեւ Նասրալլային նկարները խորհրդարանի նախագահ Նեպիհ Պըրրիի եւ նախկին վարչապետ Սաատ Հարիրիի հետ:
