Սոցիալ Դեմոկրատ Հնչակեան Կուսակցութեան Լիբանանի շրջանի Վարիչ մարմինը ներկայացնող պատուիրակութիւն մը, գլխաւորութեամբ ատենապետ ընկ. Վանիկ Տագէսեանի, այցելեց ներքին գործերու նախարար Ահմատ Հաժժարին, ընկերակցութեամբ նախկին երեսփոխան Սերժ Թուրսարգիսեանին: Հնչակեան պատուիրակութիւնը գնահատեց նախարարին աշխուժութիւնը եւ մանաւանդ երկրի դժուար պայմաններուն մէջ քաղաքապետական ընտրութիւնները յաջողցնելու ջանքը: Ժողովականները արծարծեցին լիբանանեան ներքին քաղաքական, ապահովական եւ ընկերային նորութիւնները, շեշտելով կայունութիւնը պահպանելու եւ լիբանանցիներուն համագոյակցութիւնը ամրապնդելու կարեւորութիւնը: Երկուստեք ընդգծուեցաւ քաղաքացիներուն դիմագրաւած ընկերային եւ տնտեսական խնդիրները լուծելու հրամայականն ու պետութիւն-քաղաքական ուժեր համագործակցութիւնը յանուն լիբանանցիներու բարօրութեան: Յաջողութիւն մաղթելով նախարար Հաժժարին, Հնչակեան կուսակցութեան պատուիրակութիւնը պատրաստակամութիւն յայտնեց շարունակելու համագործակցութիւնը նշեալ նախարարութեան եւ պետական բոլոր հաստատութիւններուն հետ, կարեւորելով մանաւանդ այս զգայուն փուլին պետութեան դերակատարութեան ամրացումը:
