«Ռոյթըրզ» լրատու գործակալութիւնը հաղորդեց, թէ Սուրիոյ զինուած ուժերը վերականգնելու հարցով իշխանութիւններուն մշակած ծրագիրը կը ներառէ օտարազգի զինեալներ ներգրաւելու հնարաւորութիւն: Ըստ գործակալութեան, սուրիացի զինուորական պատասխանատուներ կ’ակնկալեն, որ շուրջ 3500 ույկուր զինեալներ միանան սուրիական բանակին եւ մաս կազմեն անոր վերջերս կազմուած խառն ջոկատին, որ պիտի ընդգրկէ զանազան ազգութիւններու ներկայացուցիչներ: Նշենք, որ ույկուրները Չինաստանի հիւսիսարեւմտեան շրջանին մէջ բնակող մահմետականներ են, որոնց հետ Փեքինի կեդրոնական կառավարութիւնը յաճախ մղած է ծանր մարտեր: Ույկուր զինեալներ մասնակցած էին նաեւ Սուրիոյ պատերազմին՝ ծարայեղական զինեալներու խումբերուն ընկերակցութեամբ:
Մարդկային իրաւունքներու սուրիական դիտարանը հաղորդեց, թէ ամերիկեան ուժերը արագօրէն սկսած են հեռանալ արեւելեան Տէր Զօր գաւառին մէջ գործող զինուորական երկու խարիսխէ, որոնք կը գտնուին «Սուրիոյ ժողովրդավարական ուժեր» քրտական ուժերու աշխուժութեան գօտիին մէջ:
