Առողջապահութեան նախարարութեան արտակարգ իրավիճակներու կեդրոնը յայտարարեց, թէ իսրայէլեան օդուժը հարուածած է հարաւին Արնուն գիւղի ճամբան՝ թիրախաւորելով ինքնաշարժ մը: Հարուածին հետեւանքով մահացաւ քաղաքացի մը:
Այլ գիծի վրայ, ԵՈՒՆԻՖԻԼ-ի խաղաղապահ ուժերը յայտարարեցին, թէ անծանօթ քաղաքացիներ հարաւային Խըրպէթ Սըլմ գիւղի ճամբուն վրայ խոչընդոտած են խաղաղապահներուն ուղին եւ արգիլած, որ զինուորները շարունակեն իրենց ուղեւորութիւնը՝ գործածելով կացիններ, մետաղեայ ձողեր եւ այլ վտանգաւոր իրեր՝ վնաս պատճառելով ինքնաշարժներուն: Լիբանանեան բանակը իսկոյն միջամտած եւ հակակշիռի տակ առած է կացութիւնը:
