Առողջապահութեան նախարարութիւնը յայտարարեց, թէ անցնող ժամերուն առնուազն երկու մարդ մահացած է հարաւային Հանին եւ Ուատի Հուժէյր շրջաններու թիրախաւորումին պատճառով: Իսրայէլեան բանակը իր կարգին յայտարարեց հարաւի մէջ Հըզպալլային պատկանող թիրախներ հարուածելու մասին, խոստանալով արգիլել կուսակցութեան կարողութիւնները վերակառուցելու փորձերը: Ամերիկեան AP լրատու գործակալութիւնը հաղորդեց, որ ՄԱԿ-ի մարդկային իրաւունքներով զբաղող գրասենեակին հաշուարկով, հարաւային Լիբանանի մէջ յայտարարուած զինադադարէն ետք կատարուած իսրայէլեան թիրախաւորումներէն մահացած է 71 քաղաքացի:
