ԵՈՒՆԻՖԻԼ-ի խաղաղապահ ուժերուն հրամանատարութիւնը յայտարարեց, որ տակաւին տեղակայուած են Լիբանանի հարաւային շրջաններուն մէջ եւ կը շարունակեն դիտարկել իրավիճակն ու իսրայէլեան օդային խախտումները:
Իսրայէլեան բանակի բանբերը ահազանգեց, թէ Հըզպալլա անցնող հինգ ամիսներուն սկսած է վերակառուցել Շուէյֆէթ շրջանին մէջ գտնուող իր ստորգետնեայ կեդրոններէն մէկը:
Իսկ ամերիկացի պատուիրակի ղեկավար Մորկըն Օրթէյկըս շեշտեց, որ լիբանանեան բանակը կարողութիւն ունի գործադրելու Հըզպալլան ապազինելու պարտականութիւնը, յիշեցնելով որ կառավարութիւնը յանձնառութիւն յայտնած է 1701 բանաձեւի ամբողջական գործադրութեան:
Լիբանանեան հողերուն նկատմամբ շարունակուող ոտնձգութիւններու ծիրին մէջ, իսրայէլեան բանակը երէկ յայտարարեց, թէ անօդաչու սարք մը արհեստական խափանումի պատճառով ջախջախուած է Լիբանանի մէջ, սակայն տեղեկութիւններու կորուստ չէ գրանցուած:
