Զինադադարի դրութեան իսրայէլեան շարունակական խախտումներու ծիրին մէջ, երէկ մարդ մը մահացաւ հարաւային Թայպէ գիւղի ճամբուն վրայ, երբ իսրայէլեան անօդաչու սարքեր կործանեցին անոր ինքնաշարժը: Իսրայէլեան բանակը յայտարարեց, թէ ահաբեկուած Մոհամմատ Ատնան Մանսուր հրամանատարն էր Հըզպալլայի հրետանային ուժերուն եւ պատասխանատու կը համարուէր վերջին պատերազմին ընթացքին իսրայէլեան բնակավայրերուն ուղղութեամբ կատարուած հրաձգութեան: Իսկ Նաքուրայի ուղղութեամբ, իսրայէլեան ուղղաթիռներ Կիրակի գիշեր կրակ բացին լիբանանեան բանակի դիրքերէն մէկուն մերձակայ տարածքին ուղղութեամբ:
