Իսկ վարչապետ Նաուաֆ Սալամ վարչապետարանին մէջ ընդունեց հարաւի սահմանային գիւղերը ներկայացնող պատուիրակութիւն մը, որոնց հետ քննարկեց ապահովական իրավիճակը եւ տուն վերադառնալու անհրաժեշտութիւնը: Սալամ դրուատեց քաղաքացիներուն վճռականութիւնը, շեշտելով հողին միշտ կառչած մնալու անհրաժեշտութիւնը: Վարչապետը խոստացաւ աշխատանք տանիլ անհրաժեշտ օգնութիւնները տրամադրելու համար, որպէսզի կարելի ըլլայ վերակառուցել կործանուած տուները եւ ամբողջացնել բռնագրաւեալ բլուրներէն իսրայէլեան ուժերու վերջնական դուրսբերումը:
