Սփիւռքի գործերով Հայաստանի գլխաւոր յանձնակատար Զարեհ Սինանեան յաջող համարեց «Ի գործ» ծրագիրը, որ սփիւռքահայ մասնագէտներու հնարաւորութիւն կու տայ աշխատելու Հայաստանի պետական կառոյցներուն մէջ: Ըստ Սինանեանի, ծրագրի աւարտէն ետք անոր մասնակիցներուն 70-80 առ հարիւրը կը շարունակէ ապրիլ եւ աշխատիլ Հայաստանի մէջ: Դիտել տալով, որ «Ի գործ» ծրագիրը ի սկզբանէ չէ ունեցած հայրենադարձութեան նպատակ, Սինանեան շեշտեց, թէ օրերը ցոյց տուած են, որ ան կը ծառայէ նաեւ այդ նպատակին:
