Երկուշաբթի, 3 Մարտ 2025-ի երեկոյեան, խումբ մը երիտասարդ-երիտասարդուհիներ, բոլորելէ ետք դաստիարակչական շրջան մը, մուտք գործեցին Ս.Դ. Հնչակեան կուսակցութեան շարքերը:
Երդման արարողութեան ներկայ էին Լիբանանի շրջանի Վարիչ մարմինի անդամները, ինչպէս նաեւ Շրջանի մասնաճիւղերու ներկայացուցիչներ եւ կուսակցական ընկերներ:
Երդման արարողութեան բացումը կատարեց Վարիչ մարմնոյ ներքին դիւանապետը, որ նորագիրները ծանօթացուց ներկաներուն, ապա նորագիրները հրաւիրեց երդման հանդիսաւոր արարողութեան։
Խմբային երդմնակալութենէ ետք, Վարիչ մարմինին կողմէ ընթերցուեցաւ խումբի անուանակոչման որոշումը եւ բարի գալուստի խօսքը։
Խումբի կնքահայր ընկեր Վաչէ Քասեմճեան իր խորհուրդները եւ յորդորները փոխանցեց նորագիրներուն։
Աւարտին, եզրափակիչ մաղթանքով հանդէս եկաւ Ս.Դ.Հ.Կ. Կեդրոնական վարչութեան ընկերը։
