Պաշտպանութեան նախարար Միշէլ Մնասսա այցելեց լիբանանեան բանակի հրամանատարութիւն, ուր տեսակցեցաւ բանակի հրամանատարի պաշտօնակատար զօրավար Հասսան Աուտէի եւ խումբ մը սպաներու հետ: Նախարարը յայտնեց, թէ բանակը Լիբանանի ողնաշարն է եւ անոր վստահուած է երկրին անվտանգութիւնը ապահովելու կարեւոր պարտականութիւնը: Մնասսա դրուատեց հարաւային շրջաններուն մէջ բանակի արագ տեղակայումը, իսկ Աուտէ շնորհակալութիւն յայտնեց նախարարին՝ զինուորական հաստատութեան տրամադրած ամբողջական զօրակցութեան համար:
