Իսրայէլի վարչապետ Պենիամին Նեթանիահու Համաս շարժումը ամբաստանեց գերիներու փոխանակումի պայմանաւորուածութիւնը խախտելու մէջ, զգուշացնելով թէ շարժումը սուղ պիտի վճարէ մահացած գերիներէն մէկուն մարմինը չվերադարձնելու գինը:
«Ֆրանս փրէս» լրատու գործակալութիւնը հաղորդեց, որ Եւրոմիութիւնը կը մտադրէ Երկուշաբթի օր առկախել Սուրիոյ նկատմամբ սահմանուած պատժամիջոցները, որոնք կը վերաբերին ուժանիւթային, դրամատնային եւ փոխադրութեան ոլորտներուն: Միաժամանակ, եւրոպական կողմը կը սպառնայ վերադառնալ պատժամիջոցներու գործադրութեան, եթէ Դամասկոսի նոր իշխանութիւնները չյարգեն մարդու իրաւունքներն ու ժողովրդավարական կարգերը:
Այլ գիծի վրայ, Միացեալ Նահանգներու նախագահ Տոնըլտ Թրամփ Իրաքի իշխանութիւններէն պահանջեց անմիջապէս վերսկսիլ արտահանել քրտական շրջաններուն քարիւղը, սպառնալով հակառակ պարագային պատժամիջոցներ սահմանել:
