Լիբանանեան ուժեր կուսակցութեան նախագահ Սամիր Ժաաժաա պահանջեց նոր կառավարութեան անյապաղ կազմութիւնը, որովհետեւ լիբանանցիները արժանի են երկրին իրավիճակը բարեկարգող գործադիր իշխանութեան: «Կ’ուզենք գործունեայ կառավարութիւն մը, որ խորհրդարանին կրկնօրինակ մը չէ», ըսաւ Ժաաժաա: Ան շեշտեց, թէ իրենք կը համաձայնին այս անգամ Ելեւմուտքի նախարարութիւնը յանձնել շիի նախարարի մը, պայմանաւ որ ան չըլլայ Հըզպալլայի եւ Ամալի ներկայացուցիչը: «Մենք մաս պիտի կազմենք կառավարութեան եւ կարելի չէ երկրին քաղաքական կեանքը բնականոնացնել առանց իսկական կուսակցութիւններու եւ սկզբունքներու», ըսաւ Ժաաժաա:
