Թրամփի երդմնակալութեան արարողութեան զուգահեռ Կազայի մէջ տեղի ունեցաւ գերիներու փոխանակումի առաջին փուլը՝ դադրեցնելով պաղեստինեան կազմակերպութիւններուն եւ իսրայէլեան բանակին միջեւ 471 օր տեւած պատերազմը: Բազմաթիւ պաղեստինցի գերիներու ազատ արձակումին դիմաց, Համաս Կարմիր խաչին միջոցաւ ազատ արձակեց երեք իսրայէլացի կին: Իսրայէլեան բանակը միւս կողմէ յայտարարեց, թէ Կազայէն դուրս բերած է 2014-էն ի վեր գերեվարուած զինուորի մը աճիւնը: ՄԱԿ շուտով յայտարարեց, թէ մարդասիրական օգնութիւններ փոխադրող բեռնակառքեր սկսած են մուտք գործել Կազա՝ անհրաժեշտ օգնութիւն ցուցաբերելու պաշարուած պաղեստինցիներուն: Իսկ պաղեստինեան քաղաքացիական անվտանութիւնը յայտարարեց, թէ զինադադարի գործադրութեան պահէն ետք իսրայէլեան բանակը սպաննած է ութ պաղեստինցի: Համասէն պատասխանատու մը յայտնեց, որ գերիներու փոխանակումի երկրորդ փուլը պիտի կայանայ Շաբաթ օր:
