Լիբանանեան խճողուած շրջանները հարուածող առողջապահական ու կենսոլորտային վտանգներ պարունակող հերթական արկած մը երէկ տեղի ունեցաւ Սին էլ Ֆիլի բնակեղի թաղամասերուն մէջ, ուր հսկայական հրդեհ մը ամբողջութեամբ կործանեց «Coral» ընկերութեան վառելանիւթի կայաններէն մէկը եւ ապականող սեւ ծուխով պատեց ամբողջ շրջանը: Քաղաքացիական անվտանգութեան ուժերը իսկոյն փութացին միջադէպի բեմավայր եւ քաղաքացիներուն աջակցութեամբ քանի մը ժամ ետք յաջողեցան մարել հրդեհը, որմէ նիւթական վնասներ կրեցին ոչ միայն կայանը, այլեւ մերձակայ շէնքերը եւս:
