* Հայաստանի վարչապետ Նիկոլ Փաշինեան պիտի չմասնակցի 28 Նոյեմբերին Ասթանայի մէջ կայանալիք ՀԱՊԿ գագաթաժողովին. այս մասին ըսած է ՀՀ վարչապետի մամուլի քարտուղար Նազելի Բաղդասարեանը: «ՀԱՊԿ֊ի աշխատանքներին մասնակցութիւնը սառեցնելու մասով ՀՀ դիրքորոշումը փոփոխութեան չի ենթարկուել»,- ըսաւ ան։
Նախօրէին Ռուսիոյ նախագահի օգնական Եուրի Ուշաքով յայտնած էր, որ Հայաստան պիտի չմասնակցի 28 Նոյեմբերին Ասթանայի մէջ կայանալիք ՀԱՊԿ գագաթաժողովին, սակայն Երեւանը զգուշացուցած է, որ դէմ չէ նիստին ընթացքին համաձայնեցուած փաստաթուղթերու ընդունման:
* 2024 թուականի Numbeo անվտանգութեան ցուցակի համաձայն՝ Հայաստան ճանչցուած է համաշխարհային առումով 5-րդ ամենաանվտանգ երկիրը, բացառութեամբ 1 միլիոնէն ցած բնակչութիւն ունեցող ազգերու: (Բոլոր երկիրները ներառելով Հայաստանը կը զբաղեցնէ այս հեղինակաւոր ցուցակին 5-րդ հորիզոնականը): Այս վարկանիշը կ’արտացոլէ Հայաստանի նուիրուածութիւնը անվտանգութեան, համայնքային արժէքներու եւ անոր հիւրընկալ միջավայրը ինչպէս բնակիչներու, այնպէս ալ այցելուներու համար:
* Աշխատանքային հրատապ խնդիրներով պայմանաւորուած՝ Հայաստանի Արտաքին Հետախուզութեան Ծառայութեան (ԱՀԾ) պետ Քրիսթինէ Գրիգորեան չէ մասնակցած Մոսկուայի մէջ կայացած ԱՊՀ անդամ պետութիւններու անվտանգութեան մարմիններու եւ հետախուզական ծառայութիւններու ղեկավարներու նիստին:
