Սահմանագծումի եւ սահմանազագումի հարցով հայ-ատրպէյճանական բանակցութիւններուն ծիրին մէջ, Հայաստանի փոխվարչապետ Մհեր Գրիգորեանի գլխաւորած պատուիրակութիւնը երէկ սահմանային գօտիին վրայ տեսակցեցաւ իր ատրպէյճանցի պաշտօնակից Շահին Մուսթաֆայեւի պատուիրակութեան հետ: Ժողովականները քննարկեցին սահմանազատումով զբաղող յանձնաժողովներուն գործունէութիւնը եւ երկու երկիրներու պետութիւններուն կողմէ կայացուած որոշումները՝ սահմանազատումի համաձայնութիւնները օրինականացնելու վերաբերեալ: Փոխվարչապետները անդրադարձան սահմանազատումի հետագայ աշխատանքներու իրականացումի սահմանային հատուածներուն եւ համապատասխան ուղեցոյցերու նախագիծին: Պայմանաւորուեցաւ աշխատանքային կարցով համաձայնիլ յաջորդ տեսակցութեան շուրջ:
