Հայաստանի Հանրապետութեան նախագահ Վահագն Խաչատուրեան Պերլինի մէջ տեսակցեցաւ իր գերմանացի պաշտօնակից Ֆրանք Ուոլթըր Շթայնմայերի հետ: Քննարկելով տարածաշրջանային զարգացումները, գերմանացի նախագահը կարեւորեց կայունութեան համաժողովին բովանդակութիւնը՝ աւելի խաղաղ եւ զարգացող աշխարհ մը ունենալու համար: Ան հատատեց, որ Պերլին հետաքրքրուած է Երեւանի հետ միջմշակութային կապերու, տնտեսական յարաբերութիւններու զարգացումով, ցանկութիւն յայտնելով շուտով այցելել Հայաստան: Խաչատուրեան իր կարգին պատիւ համարեց Շթայնմայերի Հայաստան հաւանական այցելութիւնը: Խօսելով հայ-թրքական յարաբերութիւններու բնականոնացումի օրակարգին մասին, Խաչատուրեան վերահաստատեց Երեւանի յանձնառութիւնը առանց նախապայմաններու յարաբերութիւններու հաստատումին, աւելցնելով որ Երեւան կը փափաքի բնական յարաբերութիւններ ունենալ բոլոր հարեւաններուն հետ, ինչ որ կը բխի բոլորին շահերէն:
