«Միացեալ Նահանգները յանձնառու է աջակցելու Հայաստանի եւ Ատրպէյճանի միջեւ արժանապատիւ եւ կայուն խաղաղութեան հասնելու ջանքերուն՝ Հարաւային Կովկասի ժողովուրդներուն համար խաղաղ եւ բարգաւաճ ապագայի իրագործման նպատակով»,- ըսած է Արտաքին գործերու նախարարութեան ներկայացուցիչը:
Ան մեկնաբանած է նաեւ պաշտօնական Պաքուի վերջին մեղադրանքները Միացեալ Նահանգներու եւ ընդհանրապէս Արեւմուտքի հասցէին եւ նշած. «Միացեալ Նահանգները կը գնահատէ Ատրպէյճանի հետ իր երկկողմ յարաբերութիւնները»։
«Մեր համագործակցութիւնը Ատրպէյճանի հետ ուղղուած է COP29-ի բարեյաջող կայացման եւ կլիմայի ու ուժանիւթային ոլորտներուն մէջ ընդհանուր նպատակներուն հասնելուն, եւ օրինակ է այն բանին, թէ ինչի կրնանք հասնիլ միասին աշխատելու պարագային»,- ըսած է Արտաքին գործերու նախարարութեան ներկայացուցիչը:
