Շաբաթ, 4 Հոկտեմբեր 2024-ին, Փրաւիտընսի Սրբոց Վարդանանց եկեղեցւոյ մէջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց դատական ելոյթներով մեծ համբաւ վայելող դատաւոր Ֆրանք Քափրիօն: Դատաւորը իր ընթացիկ դատական աշխատանքներուն առընթեր, անցնող տարիներու ընթացքին դատական յատուկ պարագաներ, ընկերային ցանցերու ճամբով, սեփականութիւնը դարձուցած է հանրութեան եւ ունեցած է մեծ թիւով հետեւորդներ: Դատերու նկատմամբ անոր ունեցած արդար մօտեցումներուն առընթեր, դատաւոր Քափրիօ նաեւ ցուցաբերած է հասկացողութիւն ու զգայուն մօտեցում: Դատական շրջանակներէ ներս ան կը վայելէ մեծ յարգանք:
Լսելով Նորին Սրբութեան այցելութիւնը Փրաւիտընս՝ դատաւորը ուզած է հանդիպում ունենալ Վեհափառ Հայրապետին հետ: Հանդիպման ներկայ եղան նաեւ Հիւսիսային Ամերիկայի արեւելեան հայոց թեմի առաջնորդ սրբազան հայրը, հոգեւոր հայրեր եւ ազգային վարչութեան անդամներ:
Վեհափառ Հայրապետը իր բարձր գնահատանքը յայտնեց Ֆրանք Քափրիօ դատաւորին՝ դատական հարցերու նկատմամբ անոր ցուցաբերած յաճախ գթասիրտ մօտեցման ու հասկացողութեան համար: Նորին Սրբութիւնը անդրադարձաւ նաեւ հայ եկեղեցւոյ պատմութեան ու առաքելութեան:
