Իսրայէլի պետական ձայնասփիւռը հաղորդեց, որ Միջին Արեւելք գտնուող ամերիկեան երկու օդանաւակիրները շրջանէն հեռանալու հրաման ստացան: Անցեալ 22 Օգոստոսին Միացեալ Նահանգներու բանակը յայտարարեց «Եու.Էս.Էս Աբրահամ Լինքըլն» օդանաւակիրի եւ անոր ուղեկցող կործանիչներու ժամանումը Միջին Արեւելք, երբ Միացեալ Նահանգներու պաշտպանութեան նախարար Լոյտ Օսթին հրամայեց արագացնել այս ծովային հարուածային խումբի տեղաշարժը շրջան՝ աւելցնելով, որ ռազմական գործողութիւններու զարգացման մտավախութիւն կար այդ ժամանակ: Այսպիսով, Միջին Արեւելքի մէջ ամերիկեան օդանաւակիրներու թիւը հասաւ երկուքի։
