44-օրեայ պատերազմին հանգամանքները ուսումնասիրող քննիչ յանձնաժողովին եզրակացութիւնը պատրաստ է, յանձնաժողովը աւարտած է իր աշխատանքը:
Այս մասին յայտնած է յանձնաժողովի նախագահ Անդրանիկ Քոչարեանը՝ նշելով, որ Հոկտեմբերին ինք նամակով պիտի դիմէ խորհրդարանի նախագահին՝ դռնփակ նիստ հրաւիրելու համար, որուն ընթացքին պիտի ներկայացուի յանձնաժողովին զեկոյցը:
Քոչարեանի խօսքով՝ հանրութիւնը պիտի կարենայ ծանօթանալ միայն այդ ելոյթի հատուածներուն, այլ ոչ թէ զեկոյցի ամբողջական բնագրին, քանի որ այն գաղտնի տեղեկատուութիւն կը պարունակէ։
Քոչարեան նշած է, որ պատերազմի պատճառներուն մասին լուրջ քննութիւն իրականացուած է, որուն բերումով ուսումնասիրուած են տասնեակ հազարաւոր փաստաթուղթեր։ Անոր խօսքով՝ պարտութեան պատճառները «բազմաբնոյթ են ու բազմաշերտ»։
Անդրանիկ Քոչարեան ըսաւ, որ Ատրպէյճանը աւելի շատ անհանգստացած է ՀՀ յաջողութիւններով, քան մենք կ’ուրախանանք:
«Ատրպէյճանի վերջին յայտարարութիւններն են՝ ՀՀ-ն զրկել որակեալ սպառազինութիւն ունենալու հնարաւորութենէն, որովհետեւ իրենք ալ տեղեկացուած են, որ Հայաստանը դատարկ տեղը չէ նստած: Պաշտպանական գերատեսչութիւնը ամէն օր խնդիրներ կը լուծում, որոնք կուտակուած էին նախկինէն», ըսաւ Քոչարեան:
