Լիբանանի խորհրդարանի անկախ երեսփոխաններ (նախապէս Ազգային ազատ հոսանք կուսակցութեան անդամ) Էլիաս Պու Սաապ, Իպրահիմ Քանաան, Սիմոն Ապի Ռամիա եւ Ալէն Աուն այցելեցին մարոնիներու Ռահի պատրիարքին, Տիմանի մէջ։
Քանաան հանդիպումէն առաջ նշեց, որ եկած են ստանալու կարտինալին օրհնութիւնը եւ իմանալու, թէ ինչպէս կարելի է փրկել երկիրը: Իսկ հանդիպումէն ետք ան նշեց, որ այս հանդիպումը իրենց քաղաքական աշխատանքի նոր փուլի սկիզբն է՝ իրենց պարտադրուած վերջին զարգացումներու լոյսին տակ, եւ ատիկա կը հաստատէ իրենց ուղին շարունակելու վճռականութիւնը՝ համոզումներու եւ սկզբունքներու համապատասխան։ Ձգտումներ, որոնց համար իրենք միշտ պայքարած են եւ կը շարունակեն աշխատիլ անոնց համար։
Քանաան շեշտեց, որ իրենց շարժումը կը գերադասէ անհատական շահերը եւ կոչ ուղղեց բոլորին հետ հանդիպելու հրաւէրին ընդառաջելու՝ շարք մը քայլերու շուրջ՝ հեռու անցեալի բոլոր կուտակումներէն, որովհետեւ կարելի չէ կառուցել ընդհանուր ապագայ՝ պառակտման, մասնատման ոգիով, ատելութեամբ եւ դաւաճանութեամբ ապրող լիբանանցիներու եւ գործընկերներու միջեւ:
